الوســـــــاده الخاليــــــــه

صباح الخير

مساء الخير

اليوم كنت في زيارة إحدى صديقاتي وقبل ان أزورها سألتها أكثر من مره زوجك موجود

بالبيت ؟

قالت : لا يا شيخه وأن كان موجود ترى ماجد طيب وحبيب , وما يطالع أبدا لأنه بطبعه

خجول , بعدين أنا نفسي تزوروني اليوم ونقعد مع بنوتتي الصغيرة بغرفتي وبالمناسبة

عازماكم على العشاء يلا بليز يا نوف تعالوا .... وبعد إصرار شديد , قررت الذهاب مع

اني لافضل الذهاب لبيت سيدة متزوجه وزوجها موجود , احتراما لها وأحتراما لزوجها

عشان يقعد ببيته براحته .

المهم طلعت وزرت صديقتنا أنا وأختي ويوم دخلنا البيت عندها قلت لها : زوجك رجع

من العمل .

قالت : ايه ماعليكم تعالوا طبعا بنت كول ومتربيه بس كانت زهقانه ونفسها نتجمع

وجلسنا نلعب مع بنوتتها اللزيزه , ونحكي ونسولف .

وفي أثناء ماحنا قاعدين قالت : يااااه بنتي ودها تتفرج على أفلام كرتون لحظه أشغل لها

ام بي سي 3 , حسيت انه هي طايره في البيبي الله يحميها , وماهي عارفه ايش تعمل

عشانها تدلعها او تلاعبها او تاكلها ولاتمرجحها , افكار وعواطف مزدحمه !!

وفجأة قطعت حاجز الازدحام بيننا بسؤالي : نوره زوجك متى ينام ؟ ترى شوي ونروح

البيت أخاف الساعة 10 زوجك وده ينام لان عنده دوام

قالت : لا نوف بليز تقعدون أكيد نام .

فأنا سألتها : هناك وين ؟ قالت بالصالون خليني أطمئن عليه .

قلت لها : خذي راحتك رجعت بعدها .

قالت : ماجد نام يا حليله ماجد مره طيب الله لا يحرمني منه ترى ولد حلال ترى نوفه

ماجد ينام بالصالون كل يوم ...!

من يوم ما أنا ولدت دلوعة أمها بنوتتي الصغيرة ريما

تعدلت بالجلسة قلت لها نعم ..!!

قالت : ماجد ينام بروحه بالصالون وبنتي جنبي هنا

صرت أطالعها أكثر قلت لها أنتي مجنونه تتركين زوجك ينام لوحده .

قالت : لا يا نوفه ترى أنا مره حريصه .

قلت : أي حريصه ينام لوحده يعني يطلقني أفضل ليه أترك زوجي لوحده لمين ...!

قالت : لا عملت له اختبارات كثير مره أعمل إني نمت وأرجع بعد ساعه ونص أفتح

عليه الباب فجأه , مره الاقيه يطالع التلفزيون , ومره الاقيه نام , وحتى جواله أفتح

جواله وافتش فيه مخلص ماشاءالله عليه .

رغم أنه درس بالخارج لكن ماعنده علاقات ببنوتات حاله حال نفسه , فأنا إذا شبعت من

بنتي برجعه هو ينام عندي .

أنتهى الكلام وأنا مصدومه وهي عارفه أنه مو عاجبني كلامها , لكن كنت أضحك من

مكر النساء لأننا مانقدر مانفتش ونقلب في أغراض أزواجنا , وبعد مانفتش ويكتشف

الزوج ويتضايق وتصير فيه مسافات كبيره بينهم لأنهم مايثقون ببعض , والسبب من

البدايه الزوجه لأنها تخلت عن الزوج مقابل أنجاب الأطفال , وأن كان الرجل اليوم

لايبحث عن من يونس وحدته سوف يأتي يوم ويبحث عن هذا وبكل جرأه , لأن المرأه

هي من فرطت في حقه وحقها بسبب التصرفات الخاطئه ما هو الحل في وجهة نظركم

شاكره , الرجاء التفاعل مع الموضوع وإبداء آرائكم .
منقول..

جزيل الشكر على الموضوع الجميل
تسلم الايادي
وبارك الله فيك
غلط جدااا بعد الزوجة عن زوجها لاي سبب
الزوجة الزكية ما تخليش زوجها يحس انها فضلت الاولاد عليه ابدا

اشكر مرورك العطر اختي الغاليه

والله لا يحرمني من هالطله الحلوه

ولك مني تحيااااتي